Solo CFD

Berada di Solo CFD "Car Free Day"

Solo CFD "Car Free Day"

Geguritan X TP 3

Ibu

Ibu, tresnaku gedhe karo kowe

ngandhung aku sangang sasi sepuluh dina lawase

tenpa ngeluh

tetep sabar ngadhepi

ibu, aku kudu hormat marang kowe

kowe ngurus aku saka cilik tekan gedhe

tanpa nyerah nggedheke awaku

matur nuwun ibu

Dening Muhammad Heri Budi Kusuma/ X Tp 3

SMK Muhammadiyah 3 Yogyakarta

Tak Tunggu Tresnamu

Nangiso sedini ping pitu

yen kuwi wis dadi keputusanmu

aku ora bakal nggondheli

yen kowe ninggalke awakku

aku wis lila ngikhlaske awakmu

senajan dada iki kerasa seseg ngampet laraning ati

aku ra kuasa nggondheli sliramu

sing tak jaluk amung jujuring atimu

Senajan adoh papanmu neng kono

jenengmu tansah gumantil ing ati

apa pancen kowe wis tega ninggalke aku

ninggalke tresna iki kang kebak kenangan

yen iki wis pesthine awaku

pacobaning tresnaku

aku mung bisa sabar lan narima

narima pesthening Gusti

Dening Roni Yudha P/ X tp 3

SMK Muhammadiyah 3 Yogyakarta

Endhahing Alam

Saben isuk ana manuk podho muni

srengenge manasi hawa kang adem

sesuketan neng jobo omah kena embun

iki kang gawe awakku tansah seneng

dina iki sesok lan sakteruse

yen iso ngomong

suket-suket arep tak jak ngomong

ora ganti suwe, srengenge wis mumbul ing dhuwur

wong-wong wis podho nindake lelakoning urip

Dening Oky Chailendra/ X Tp 3

SMK Muhammadiyah 3 Yogyakarta

Ibu

Sliramu agawe luluhing atiku

esuk, awan, bengi tansah gawe guyu

gawe tambah rukuning kulawarga

ibu tansah paring wewarah 

wewarah supaya tumindak prayoga

Ibu, nyambut damel abot kok lakoni

kanggo nyukupi kebutuhaning keluawarga

umurmu kang mudhak tuwa

mundhak sedhela uripmu ing donya

wewarahmu tansah nepak neng ati

perjuanganmu uga tansah gumantung ing ati

kanggo gayuh kamulyan

katresnanmu kang ginowo

ginowa ing alam swarga

Dening Fajar Rahmat Rianto/ X Tp 3

SMK Muhammadiyah 3 Yogyakarta

Katresnan

Jare ibuku tresna iku bisa gawe lara ati

sing dirasa yen lagi nandhang katresnan 

amung seneng

donya kuwi kaya duweke wong loro

ora mikir yen kuwi dalane neraka

sing dirasake mung rasa seneng

Dening Wilmar Ruchi DT/ X Tp 3

SMK Muhammadiyah 3 Yogyakarta

Ibu Pepadhanging Ati

Boten wonten tiyang kang saged ngantosaken Ibu

Tresnamu tulus lan suci boten wonten kang nandhingi

boten wonten kang saged gantekaken ibu

sujud dukurku marang Gusthi Allah

ingkang pasring rahmat

rahmat kang awujud katresnanipun ibu

senajan diganti dhuwit lan emas

segere ASI kang ibu sukani, ora ana sing nandhingi

kasih lan sayangmu boten saged telas dumugi pati

Dening Heru Saryanto/ X Tp 3

SMK Muhammadiyah 3 Yogyakarta

Geguritan X TP 3

Tresna Ora Dipikir

Nangisa sedino ping pitu

yen kuwi wis dadi keputusanmu

aku ora bisa nggondheli

yen pancen kowe wis lali

Aku nelangsa merga kebacut tresna

ora ngiro saiki kowe cidro

janjimu pancen lamis

uga lambemu kang tipis

Kapan kowe bisa ngerti

rasa ing jero ati iki

aku kepengen ketemu

nanging aku mung bisa mlayu

Dening : Romi Jatmiko

X Tp 3

SMK Muhammadiyah 3 Yogyakarta

Geguritan

Ojo Lunga

Durung lega rasa jroning dhadha

durng mati rasane kangenku

mung ketemu sak kedhepan mata

durung mari rasa kangenku

Ojo...........ojo..........ojo lunga ninggal aku maneh

yen lunga gawa sisan atiku

bola-bali wis tak laleke

malah tansaya eling awakmu

Dening: ravi Tristanto

Kelas : X Tp 3

SMK Muhammadiyah 3 Yogyakarta

Anoman

ANOMAN

Anoman menika putranipun Dewi Anjani ingkang awujud wanara wanita. Anjani menika putri saking Resi Gotama ingkang kenging kutukan dados wanara. Saking dhawuhipun ingkang rama, Anjani banjur tapa wuda wonten ing telaga Mandirda. Ing salah sawijining dinten, Bathara Guru kalian Bathara Narada mesat ngliwati akasa. Nalika sumerep Dewi Anjani ingkang saweg tapa wuda, Bathara guru banjur ngedalaken mani. Raja ing kahyangan menika banjur ngelap ngangge sinom (godhong asem) lajeng sinom menika kendhang wonten ing telaga. Godhong sinom wau dhawah wonten ing pangkuanipun Dewi Anjani lajeng dipundhahar, saknalika Dewi Anjani dados ngandut. Nalika wancinipun mbabaraken Dewi Anjani dipunbiayntu kalian para widadari saking kahyangan. Anjani nglairaken bayi ingkang awujud wanara putih lan dipunasmani Anoman. Saknalika Anjani ganti wujud malih dados widadari lan kondur wonten ing kahyangan.

Nalika taksih bayi, Anoman dipunasuh kaliyan Bathara Bayu ngantos dewasa. Saksampunipun pungkas anggenipun meguru,Anoman lajeng tumuju wonten donya malih. Wonten donya Anoman ndherek pamanipun inggih menika Sugriwa, raja wanara saking kraton Gowa Kiskenda. Ing wanci menika Sugriwa nembe mawon dipun kalahaken kaliyan rakanipun, Subali. Anoman lajeng kepanggih kaliyan Rama lan Laksmana pangeran saking Ayodya ingkang saweg nglampahi ukuman buwang. Anoman, Sugriwa, Rama saha Laksmana lajeng ngalahaken Subali dipun lajengaken sareng-sareng nyerang negri Alengka kangge mbebasaken Sinta ingkang dipunculik Rahwana, muridipun Subali.

Nalika badhe nyerang Alengka, Anoman tumuju dhateng negri Alengka piyambakan kangge pados informasi kekuwatan saking negri Alengka saha kangge ningali kahananipun Dewi Shinta ingkang sweg dipunculik. Wonten ing Alengka, Anoman kecekel kaliyan prajurit Alengka lajeng dipunukum obong. Nanging sakwalikipun, Anoman malah ingkang mbakar separo Alengka. Kedadosan menika lajeng dipunkenal kanthi asma Anoman obong. Saksampunipun Anoman kondhur dhateng panggenanipun Rama, prajurit wanara banjur nyerang negri Alengka. Wonten ing perang menika Anoman dados satriya ingkang kathah newasaken musuh kalebet Sarpakenaka, rayinipun Rahwana.

Wonten ing perang menika, Rama nandhang susah amargi Rama dereng saged ngalahaken Rahwana. Rahwana gadhah aji Pancasona, dados nalika Rahwana kalah, tewas rahwana gesang malih. Lajeng Wibisana rayinipun Rahwana ingkang mbela Rama ndhawuhi Anoman supados mbantu Rama. Saknalika Anoman ngurug Rahwana ngangge wukir lajeng Rahwana pejah.

Kapethik saking: http://map-bms.wikipedia.org/wiki/Anoman

Kanthi owah-owahan sakwetawis